لاہور ( نئی آواز ) پولیس نے تین خواتین کے  بچوں سمیت شام جا کر شدت پسند تنظیم دولتِ اسلامیہ میں شامل ہونے کی اطلاعات کی تصدیق کر دی ہے۔
ان افراد کے اغوا کی ایف آئی آر چند ماہ قبل ٹاؤن شپ، وحدت کالونی اور ہنجروال کے تھانوں میں درج کروائی گئی تھیں۔
پولیس کا کہنا ہے کہ قانون نافذ کرنے والے اداروں کو یہ معلومات ملی ہیں کہ یہ لوگ کراچی اور گوادر کے راستے ایران سے شام گئے ہیں تاکہ دولتِ اسلامیہ میں شامل ہو سکیں۔
لاہور کے ڈی آئی جی آپریشنز ڈاکٹر حیدر اشرف نے نئی آواز لاہور کے بیورو چیف سے بات کرتے ہوئے  بتایا کہ ’پولیس کے پاس تو ان کے اغوا کی ایف آئی آر درج تھی لیکن اب ان میں سے کچھ خواتین کا رابطہ اپنے گھر والوں سے ہوا ہے جنھوں نے قانون نافذ کرنے والے اداروں کو یہ اطلاع دی ہے کہ وہ […]

واشنگٹن (بیورو چیف ) امریکی صدارت کی دوڑ میں شامل ڈونلڈ ٹرمپ مسلمانوں کے حوالے سے متنازع اور جھوٹے بیانات دے کر بدنام تو پہلے ہی ہے۔
اب انہیں ایک امریکی ویب سائٹ نے رواں سال کا سب سے جھوٹا شخص قرار دیا ہے۔ ویب سائٹ کے مطابق ڈونلڈ ٹرمپ نے متعدد مرتبہ حقائق کو جھٹلایا اور تاریخ کو مسخ کرتے ہوئے اس سال 76 فیصد جھوٹ بولے۔ صرف یہی نہیں بلکہ وہ اپنی من گھڑت باتوں کے جھوٹ ثابت ہونے کے باوجود اس پر ڈھٹائی کے ساتھ قائم رہے۔ ویب سائٹ کے مطابق ڈونلڈ ٹرمپ کا سب سے بڑا جھوٹ ان کے اس بیان کو قرار دیا گیا ہے جس میں انہوں نے کہا تھا کہ 11 ستمبر کو ورلڈ ٹریڈ سینٹر پر حملے کے بعد نیو جرسی میں مسلمان جشن منا رہے تھے۔ ایک اور جھوٹے بیان میں ٹرمپ نے کہا تھا کہ ان کی انتخابی مہم کے تمام […]

افغانستان کی وزارتِ داخلہ کے مطابق ضلع سنگین میں گذشتہ رات سرکاری فورسز سے لڑائی میں ایک مقامی طالبان کمانڈر سمیت پچاس طالبان شدت پسند ہلاک ہو گئے ہیں۔
افغانستان کی سرکاری فورسز ضلع سنگین کا قبضہ طالبان سے چھڑانے کی کوشش کر رہی ہیں جنھوں نے بدھ کو پورے ضلع میں قبضہ کر لیا تھا ۔
افغان فورسز کو سنگین پر قبضہ قائم رکھنےمیں مشکلات
افغان حکام کا کہنا ہے شدید جنگ کے بعد سرکاری فورسز نے ضلع سنگین میں اہم عمارتوں پر قبضہ کر لیا جبکہ امریکی افواج اس دوران فضائی کارروائی کرتی رہیں۔
وزارت داخلہ نے کہا کہ ہلاک ہونے والے مقامی طالبان کمانڈر کا نام ملا ناصر تھا جو طالبان رہنما ملا اختر منصور کے معتمد خاص تصور کیے جاتے تھے۔
سنگین صوبہ جغرافیائی اعتبار سے اہمیت کا حامل ہے اور یہ پوست کی کاشت کا بھی مرکز رہا ہے۔ اس علاقے پر قبضہ طالبان کے لیے بہت اہم ثابت ہو […]