انگلینڈ جیسی ایشیز فاتح کو ہرانا بڑی کامیابی ہے : مصباح الحق

image

کپتان مصباح الحق کا کہنا ہے کہ ایشیز کی فاتح ٹیم کے خلاف ٹیسٹ سیریز جیتنا پاکستانی ٹیم کا بہت بڑا کارنامہ ہے۔
مصباح الحق نے شارجہ ٹیسٹ میں  شاندار فتح کے بعد کہا کہ جیت جیت ہوتی ہے چاہے آپ کسی بھی ٹیم کے خلاف حاصل کریں لیکن ایک ایسی ٹیم جس نے ایشیز جیتی ہے اور جو دنیا کی صف اول کی ٹیموں میں سے ایک ہے اس کے خلاف سیریز کا جیتنا معمولی بات نہیں ہے۔

مصباح الحق نے کہا کہ میں نے تو پہلے ہی کہا تھا کہ تین صفر کی بات نہ کی جائے بلکہ یہ دیکھا جائے کہ اگر آپ انگلینڈ کے خلاف کسی بھی مارجن سے جیتیں گے تو اس کی بھی اہم  اہمیت ہوگی۔
’ دو صفر کی جیت تین صفر کے کلین سوئیپ سے کسی طرح کم نہیں ہے ۔


image
کپتان  نے مزید کہا کہ پہلے ٹیسٹ میں پاکستانی ٹیم کی بدقسمتی رہی کہ اس کے میچ ونر یاسر شاہ ان فٹ ہو گئے اور وہ میچ نہ کھیل سکے جسکی وجہ سے کافی زیادہ فرق پڑا۔
یاسر شاہ نے سیریز میں سب سے زیادہ وکٹیں حاصل کیں
پاکستانی کپتان نے انگلینڈ کی ٹیم کی تعریف کرتے ہوئے کہا کہ اس نے بہت ہی اچھی کرکٹ کھیلی۔ ’انگلش ٹیم بہت منظم رہی اور اس نے پاکستانی ٹیم کو نہ آسانی سے وکٹیں دیں اور نہ آسانی سے رنز بنانے دیے۔‘
مصباح الحق نے کہا کہ شارجہ ٹیسٹ کے آخری دن وہ اپنے بولرز کی عمدہ کارکردگی اور وکٹ کو دیکھ کر جیت کے لیے بہت زیادہ پرامید تھے۔
مصباح الحق کا کہنا ہے کہ کسی بھی سیریز سے قبل ہر ٹیم کی سوچ مثبت ہوتی ہےاور متحدہ عرب امارات میں چونکہ پاکستانی ٹیم بہت عرصے سے کھیل رہی ہے لہٰذا وہ یہاں کی کنڈیشنز سے اچھی طرح واقف ہے اور اسی وجہ سے وہ یہاں اچھی کرکٹ کھیل رہی ہے۔
انھوں نے کہا کہ پاکستانی ٹیم نے یہ سیریز تو جیت لی لیکن اب ان کنڈیشنز سے باہر جا کر کھیلنا اس کے لیے بہت بڑا چیلینج ہوگا۔

اپنا تبصرہ بھیجیں