سیالکوٹ میں مدرسہ بند کروا دیا گیا

سیالکوٹ: پنجاب پولیس کے محکمہ انسداد دہشت گردی (سی ٹی ڈی) نے سیالکوٹ کے علاقے منڈیکی گورایا میں ایک مسجد سے ملحقہ مدرسے کو سیل کرکے وہاں موجود 14 افراد کو حراست میں لے لیا.

خیال ظاہر کیا جارہا ہے کہ مذکورہ مسجد و مدرسہ کالعدم تنظیم جیش محمد کے زیرِ انتظام چلائے جارہے تھے۔

ایک سینیئر عہدیدار نے بتایا کہ سی ٹی ڈی اور پولیس نے مشترکہ کارروائی کرتے ہوئے ڈسکہ سے 14 کلومیٹر دور واقع جامع مسجد و مدرسہ النور پر چھاپا مارا اور اسے سیل کردیا۔

مذکورہ ٹیم نے موقع سے کالعدم جیش محمد کے 14 کارکنوں کو گرفتار بھی کیا، تاہم ان کی شناخت ظاہر نہیں کی گئی.

اپنا تبصرہ بھیجیں