اسٹریٹ آرٹ کے ایک مقابلہ کا انعقاد ہوا جس میں مختلف کالجوں کے طالب علموں نے ایک ساتھ مل کر دیواروں کو رنگا۔
فنکاروں کی جانب سے اسٹریٹ آرٹ پاکستان نامی پروگرام ایک آغاز ہے جس کا مقصد پاکستان کی دیواروں کو اچھے پیغامات اور رنگ برنگی کہانیوں سے مزئین کرنا ہے۔
سالوں سے لاہور کی سڑکوں پر موجود دیواروں پر نفرت انگیز اور فرقہ ورانہ جملے یا وال چاکنگ دیکھنے والوں کو ناگوار گزرتی تھی۔
اب فنکار اور رضاکار لاہور کی ان دیواروں پر خوبصورت رنگوں سے بنی تصاویر پینٹ کر رہے ہیں تاکہ اس کی خوبصورتی کو چارچاند لگ جائیں۔
یاد رہے کہ اس سے پہلے ایک ایسا ہی قدم خیبر پختونخواہ کی حکومت کی طرف سے اٹھایا گیا تھا جس میں پشاور میں دیواروں کو مختلف ثقافتی اور پیغاماتی رنگوں سے رنگا گیا تھا جس نے بیکار نظر آنے والی دیواروں کو خوبصورتی کا رنگ دیا اور اب لاہور میں بھی ویسا ہی کام ہو رہا ہے جس پر سوشل میڈیا کے کھلاڑی اس کا کریڈٹ بھی تحریک انصاف کو دے رہے ہیں۔
