لاہور نئی آواز ( نیوز ڈیسک ) تحریک انصاف کی طرف سے وصیت کو جعلی کہنے پر پیپلز پارٹی کے چیرمین بلاول بھٹو زرداری نے ٹوئٹ میں کہا ہے کہ بے نظیر بھٹو کو شہادت کے دس سال بعد بھی ناانصاف لیگ اور ناکام لیگ نشانہ بنا رہی ہیں۔
چیئرمین پیپلز پارٹی بلاول بھٹو نے تحریک انصاف کی جانب سے بینظیر بھٹو کی وصیت کو جعلی کہنے پر برہمی کا اظہار کرتے ہوئے ٹوئٹ میں کہا ہے کہ بے نظیر بھٹو کو شہادت کے دس سال بعد بھی ان کے مخالفین تنقید کا نشانہ بنا رہے ہیں۔
انہوں نے کہا کہ جیالے خاموش اور بھٹو ازم پر کاربند رہیں گے۔ بلاول کا کہنا تھا کہ پیپلز پارٹی کی سیاست ہمیشہ اخلاقیات کے دائروں میں رہی ہے اور شہید محترمہ کا بیٹا بھی ان کی راہ پر گامزن ہے۔