حکام کے مطابق ناکام فوجی بغاوت میں تقریباً نو ہزار فوجیوں نے حصہ لیا تھا جو ملکی افواج کا ڈیڑھ فیصد ہیں۔  ترک حکام  کا کہنا ہے کہ بغاوت میں حصہ لینے والے فوجی اہلکاروں کے پاس 35 جہاز، 37 ہیلی کاپٹر، 74 ٹینک اور تین بحری جہاز تھے۔ حکومت نےگذشتہ ہفتے حکومت کے خلاف بغاوت کی ناکام کوشش کے الزام میں گرفتار کیے گئے 99 جرنیلوں کے خلاف باقاعدہ فردِ جرم عائد کر دی تھی۔

فرانس میں گزشتہ روز ایک گرجا گھر میں کچھ انتہا پسندوں نے چند افراد کو یرغمال بنا لیا تھا جس سے ایک عمر رسیدہ پادری کی ہلاکت کے بعد مذہبی مقامات کی سکیورٹی مزید بڑھانے کا مطالبہ کیا ہے۔ یہ بات مسیحی، مسلمان، یہودی اور بودھ رہنماؤں نے فرانسیسی صدر فرانسوا اولاند سے ملاقات کے بعد کہی ہے۔ یہ ملاقات منگل کو ایک گرجا گھر پر حملے میں ایک عمر رسیدہ پادری کی ہلاکت کے بعد ہوئی ہے۔ ملاقات کے بعد فرانسیسی صدر کا کہنا تھا کہ  ’یورپ کو شدت پسندوں سے کبھی اتنا سنگین خطرہ نہیں تھا‘ فرانسیسی مسلمانوں کی جانب سے ابوبکر نے ’شدید غم‘ کا اظہار کرتے ہوئے اس حملے کو ’گستاخانہ بے حرمتی‘ قرار دیا۔ پیرس کے آرک بشپ آندرے ونت ٹرائس نے فرانس کے مذاہب کے درمیان یکجہتی کی تعریف کی اور کہا کہ ’ہمیں دولتِ اسلامیہ کے سیاسی کھیل سے خود کو دور رکھنا ہوگا۔‘ […]

فرانس میں پولیس کے مطابق ایک چرچ میں لوگوں کو یرغمال بنانے والے دو مسلح افراد کو ہلاک کر دیا گیا ہے۔ اب تک کی اطلاعات کے مطابق روان شہر کے قریب واقع چرچ میں کم سے کم چھ افراد کو یرغمال بنایا گیا تھا۔ ابھی تک یہ معلوم نہیں ہوا ہے کہ حملہ آوروں کے ہاتھوں کسی کو کوئی نقصان پہنچا ہے یا نہیں۔‘ مقامی میڈیا کا کہنا ہے کہ چرچ سے گولیاں چلنے کی آواز آئی ہے جبکہ پولیس اور سکیورٹی اہلکار وہاں پہنچ چکے ہیں۔ میڈیا کے مطابق چرچ کے پادری اور دو بہنوں سمیت چرچ جانے والے افراد یرغمالیوں میں شامل تھے۔