سکرنڈ نئی آواز (کنور ظفر عبدالحئی ) نیشنل ہائی وے اینڈ موٹر وے پولیس بیٹ 31 سکرنڈ نےایس پی غلام سرور بھئیو اور ڈی آئی جی کی ہدایات پر ٹرک ڈرائیورز کو سکرنڈ بائی پاس پر واقع مرحباحال میں روڈ سیفٹی کے حوالے سے بریفنگ دی ۔
جس میں سے خطاب کےدوران ڈی ایس پی غلام۔مصطفی بلوچ نے اپنے خطاب میں کہا کہ آجکل دھند عام ہے اور یہ ایسے ہی ہے جیسے آنکھ پر پٹی بندھی ہو تو انسان کو کچھ نظر نہیں آتا اور وہ آگے نہیں چل سکتا اسی طرح گاڑی میں بھی غیر ضروری سفر سے گریز کریں اور اگر سفر کرنا ہی ہے تو گاڑی میں پیلے رنگ کی فوگ لائیٹ لازمی استعمال کریں ۔
ڈی ایس پی نوشاد کا کہنا تھا کہ گاڑی کے ٹائر اگر کمزور ہوں تو لوڈ ہرگز نہ اٹھائیں جب تک ٹائر تبدیل نہ کر لیں تقریب میں 35 ٹرالرز کو روک کر بریفنگ دی گئی اور ٹائرز کا معائنہ بھی کرایا گیا کہ کس طرح کے ٹائر کمزور ہوتے ہیں اور کونسے صحیح۔ تقریب میں انسپیکٹر اسد منیر، سب انسپیکٹر شاہزیب اور سب انسپیکٹر شیراز نواز لاشاری نے بھی شرکت کی۔ ڈرائیورز نے موٹر وے کی اس کاوش کو سراہتے ہوئے کہا کہ یہ پروگرام بہت معلوماتی تھا اور ہم اس پر عمل کریں گے تاکہ حادثات سے بچ سکیں۔۔